2. Orruma guhkkodat ja haddi
Orruma sáhttá juolludit 14 beaivvis gitta 3 mánnui. Juolludeapmi guoská čuovvovaš kaleandarjahkái ohcanáigemeari maŋŋá.

Dábálaš orruma iežasoassi lea:
- 14 beaivvi: 2.500,-
- Mánnoláigu: 4.000,-

Iežasoassi heivehuvvo juohke jagi hadde- ja bálkáindeavssaid ektui.

3. Ohcamuša gáibádusat
Ohcanskovvi galgá sáddejuvvot sisa elektrovnnalaččat vuođđudusa neahttasiiddu bokte. Ohcanáigemearri lea čakčamánu 1. beaivi juohke jagi. 

Ohcamušas ferte buot čuoggáid deavdit addojuvvon uhcimus gáibádusaid ektui.
- Ohcci duogáš: unnimusmearri 400 čála
- Orruma ulbmil: unnimusmearri 800 čála

Ohcamušat, mat bohtet sisa ohcanáigemeari maŋŋá, eai gieđahallojuvvo.

4. Ohcamušaid gieđahallan
Ohcamušaid gieđahallá vuođđudusa stivra.

Stivrras lea friddjavuohta árvvoštallat ohcciid viiddes vuođu mielde.

Stivrra meannudeapmi lea loahpalaš, ja juolludeami ii sáhte váidit.

5. Orruma dohkkeheapmi
Ohccit, geaidda lea juolluduvvon orrunáigodat, dohkkehit fálaldaga nu ahte mákset 50 % láigohattis 14 beaivvi siste das go leat vuostáiváldán juolludanreivve.

Ovdamáksu ii máhcahuvvo  vaikko ohcci ii geavahivččege sohppojuvvon orrunfálaldaga.

6. Ássi geatnegasvuođat
Sisa fárredettiin vuolláičállojuvvo láigošiehtadus, mas oidnojit sihke ássi ja vuođđudusa geatnegasvuođat viesu fuolaheamis orruma áigge.

Ássi ferte ovdal sisafárrema ráhkadit teaksta- ja govvapresentašuvnna alddis, ja dohkkehit ahte dat geavahuvvo ja namuhuvvo vuođđudusa barggus. 

Olggos fárredettiin galgá ássi addit uhcimustá 200 sáni guhkkosaš raportta mas oanehaččat čilge orrunáigodaga bohtosiid, ja dohkkehit ahte dat geavahuvvo ja namuhuvvo vuođđudusa barggus. Ássit ávžžuhuvvojit maid buktit oaiviliid das mo orrunsaji sáhtášii ain buoridit. 

Vuođđudus ávžžuha ássiid namuhit Lásságámmi go sii ovdanbuktet bargguideaset maid leat juogo ollásit dahje belohahkii ráhkadan ásodagas orodettiin.

 

Praktihkalaš dieđuiguin

Mii ávžžuhit buot ohcciid oahpásmuhttit iežaset praktihkalaš dieđuiguin Lásságámmi birra ovdal go sáddejit ohcama