Vuoigatvuođat Nils-Aslak Valkeapääs dahkosiidda

Girjjálašvuođa vuoigatvuođagažaldagaid sáhttá juohkit máŋgga oassái:

• Dat ideála vuoigatvuođat gullet čállái, ja juhkkojuvvojit nammavuoigatvuhtii ja respeaktavuoigatvuhtii.
• Lágádusvuoigatvuohta addá álgovuđolaččat lágádussii mii lea almmuhan dahkosa áidnavuoigatvuođa deaddilit ja almmuhit dahkosa. 
• Jus dikta lea jorgaluvvon, de leat jorgaleaddjis vuoigatvuođat jorgaluvvon tekstii.

Jearaldagat girjjálašvuođa birra sáddejuvvojit váldonjuolggaduslaččat DAT AS lágádussii.  Lásságámmi vuođđudusas ja DAT AS lágádusas lea oktilis oktavuohta dakkár mállet gažaldagaid birra, ja dát dialoga  fátmmasta vejolaš jorgaleddjiid.

Musihka vuoigatvuođagažaldagaid sáhttá juohkit máŋgga oassái:

• Dahkkivuoigatvuohta juhkkojuvvo dábálaččat gaskkal komponista, teakstačálli ja lágideaddji.
• Mekánalaš vuoigatvuođat gullet sutnje gii lea almmuhan báddema, dábálaččat skearrofitnodahkii.

Jus jearru guoská ođđa-báddemii musihkas mas lea ođđa lávlu, de ferte lohpi vižžojuvvot vuoigŋadahkkis, dábálaččat komponisttas ja/dahje teakstačállis.  Jus lágideami maid áigu geavahit, de ferte lágideaddjis jearrat. 

Skearrofitnodat mearrida dála báddemiid geavaheami, omd. lávllamáŋgemiid dahje osiid áigu geavahit dain. 

Maŋŋelgo lobi lea ožžon de galgá geavaheapmi dieđihuvvot NcB:ii TONO (Norga) bokte, TEOSTO:ii (Suopma) dahje STIM (Ruoŧŧa).

Jus áigu deaddilit Valkeapää govvadáidaga, govaid d.s. de ferte dat čielggaduvvot Lásságammi vuođđudusain. Jus almmuha govaid, de ferte maiddai čállit govvejeaddji nama jus dat originála govva lea govvejuvvon.

Lásságámmi vuođđudus: maria.figenschau@storfjord.kommune.no
DAT AS: dat@dat.net